EBRD/Healthcare Sector Development Activity in Armenia

Հարգելի´ գործընկեր,

Վերակառուցման և Զարգացման Եվրոպական Բանկի (ՎԶԵԲ)  Խորհրդատվություն փոքր բիզնեսներին ծրագիրը սիրով հրավիրում է Ձեզ մասնակցելու «Հայաստանի առողջապահական ոլորտի զարգացման հեռանկարները» թեմայով միջոցառմանը, որը տեղի  կունենա սույն թվականի սեպտեմբերի 26-ին, ժամը 10:00-ին, «ԱՐՄԵՆԻԱ ՄԱՐԻՈԹ»  հյուրանոցի  Արարատ 2 սրահում: Միջոցառման ավարտը նախատեսվում է մինչ 15:00:

Առողջապահական ոլորտի զարգացման գործունեությանն ուղղված միջոցառման նպատակն է անդրադառնալ Հայաստանի առողջապահության ոլորտի մարտահրավերներին, զարգացման հեռանկարներին,   ներկայացնել առողջապահության ոլորտի ընկերությունների համար  ՎԶԵԲ-ի կողմից առաջարկվող ֆինանսական գործիքները, ծառայությունները և պրոդուկտները, ինչպես նաև ՎԶԵԲ-ի  և  առողջապահության ոլորտում գործող ՓՄՁ-ների միջև համագործակցության հնարավորությունները:

Միջոցառման հատուկ հյուրն է դոկտոր Օզրեն Տոշիչը, ում հետ միջոցառման ժամանակ շահագրգիռ կողմերին հնարավորություն կընձեռվի ունենալ անհատական առերես  հանդիպում և, ըստ անհրաժեշտության, հետագայում նաև այցելությունների կազմակերպում տեղում ընկերությունների կարիքները քննարկելու նպատակով:

Միջոցառման հատուկ հյուրերից է նաև EVEX բժշկական ընկերության (Վրաստան) hիվանդանոցների զարգացման բաժնի տնօրեն Եկատերին Կավտարաձեն, ով կներկայացնի  Վրաստանում  առողջապահական ոլորտի մարտահրավերները, բիզնեսի հաջողության մոդելն  ու լավագույն փորձը:

Միջոցառման ավարտին մասնակիցները հնարավորություն կուենան  անմիջական շփման մթնոլորտում հաղորդակցվել և քննարկել իրենց հետաքրքրող  անհատական հարցերը:

Ստորև միջոցառման հրավերն է և հատուկ հյուր դոկտոր Օզրեն Տոսիչի ամբողջական կենսագրականը.

Ozren Tosic

Ձեր մասնակցությունը շատ կարևոր է մեզ համար:

Հարցերի և լրացուցիչ տեղեկությունների համար կարող եք դիմել մեզ, սիրով կաջակցենք:

ՎԶԵԲ խորհրդատվություն փոքր բիզնեսներին
Հեռախոս. +374 10 59 09 01
էլ. հասցե. [email protected]

Հարցեր, պատասխաններ, մեկնաբանություններ